April 24, 2024

Warning: sprintf(): Too few arguments in /www/wwwroot/nyctheblog.com/wp-content/themes/chromenews/lib/breadcrumb-trail/inc/breadcrumbs.php on line 253

افغانستان میں بس اور ٹینکر میں خوفناک تصادم کے باعث کم از کم 21 افراد لقمہ اجل بن گئے۔

بین الاقوامی خبر رساں ادارے کی رپورٹ کے مطابق افغانستان کے صوبے ہلمند کے ضلع گریشک میں بس اور آئل ٹینکر میں تصادم کے باعث 21 افراد زندگی کی بازی ہار گئے جبکہ 38 زخمی ہوگئے۔

صوبائی محکمہ اطلاعات کے سربراہ کا اس حوالے سے کہنا تھا کہ قندھار، ہرات شاہراہ پر ہونے والے حادثے میں ایک موٹر سائیکل، ایندھن کا ٹرک اور ایک بس شامل تھی جن کی منزل دار الحکومت کابل تھی۔

اُن کا کہنا تھا کہ بس کی پہلے موٹرسائیکل سے ٹکر ہوئی جس کے باعث ڈرائیور کنٹرول کھو بیٹھا اور پھر بس قندھار سے ہرات جانے والے ایک آئل ٹینکر سے ٹکرا گئی جس سے آگ بھڑک اٹھی۔

سوشل میڈیا پر ایک پوسٹ میں صوبائی محکمہ اطلاعات کا کہنا تھا کہ اتوار کی صبح ٹینکر، موٹر سائیکل اور مسافر بس کے درمیان تصادم کے نتیجے میں 21 افراد ہلاک اور 38 زخمی ہوئے،حادثے کی تحقیقات شروع کردی گئی ہیں۔

یاد رہے کہ افغانستان میں ٹریفک حادثات ہونا عام ہیں، جس کی بنیادی وجہ سڑکوں کی خراب حالت اور ڈرائیورحضرات کی لاپرواہی ہے۔

Leave a Reply

Your email address will not be published. Required fields are marked *